Më datë 16 Qershor, në ambientet tona në Pejton - Prishtinë, u shënua një moment i rëndësishëm për kompaninë tonë, prezantimi zyrtar i emrit të ri dhe përurimi i objektit me identitetin e ri të kompanisë. 

 

Kompania e Sigurimeve “Illyria” Sh.A. tashmë do të operojë me emrin Kompania e Sigurimeve “Sava” Sh.A., pas miratimit nga Banka Qendrore e Republikës së Kosovës.

Ky ndryshim përfaqëson një hap të rëndësishëm në forcimin e identitetit tonë si pjesë e Sava Insurance Group nga Sllovenia, duke ruajtur të njëjtën strukturë pronësore, të njëjtin menaxhim dhe të njëjtin përkushtim ndaj klientëve tanë. 

Me emër të ri, por me të njëjtat vlera, ne vazhdojmë misionin tonë për të ofruar siguri, besim dhe mbështetje për çdo klient, partner dhe bashkëpunëtor.

 

Falënderojmë të gjithë të pranishmit që na u bashkuan në këtë ceremoni të veçantë dhe të gjithë klientët tanë për besimin e vazhdueshëm.

Një emër i ri, i njëjti përkushtim.

#SavaSigurimi #SAVAInsuranceGroup